ഇന്ത്യക്കാരിയായ ടെക്കിയുടെ കൊലപാതകം; സിസിടിവി ദൃശ്യം പുറത്തുവിട്ടു [വീഡിയോ]

സിഡ്‌നി: ഭര്‍ത്താവുമായി സംസാരിച്ചുകൊണ്ട് വീട്ടിലേക്ക് നടക്കവെ യുവതി കുത്തേറ്റു മരിച്ച സംഭവത്തില്‍ ഓസ്‌ട്രേലിയന്‍ പോലീസ് സിസിടിവി ദൃശ്യം പുറത്തുവിട്ടു. ബെംഗളുരു സ്വദേശിനിയായ പ്രഭാ അരുണ്‍കുമാര്‍(41) കൊല്ലപ്പെടുന്നതിന് തൊട്ടു മുന്‍പുള്ള ദൃശ്യമാണ് പുറത്തുവിട്ടത്. 'മിന്‍ഡ് ട്രീ' എന്ന കമ്ബനിയുടെ ഐ.ടി. ഉപദേഷ്ടാവായിരുന്ന പ്രഭ ശനിയാഴ്ച രാത്രി ജോലികഴിഞ്ഞു വീട്ടിലേക്ക് മടങ്ങുമ്ബോള്‍ വെസ്റ്റ്മീഡില്‍ പരമാറ്റ പാര്‍ക്കിനടുത്തുവെച്ചായിരുന്നു അക്രമത്തിന് ഇരയായത്. വര്‍ക്കിങ് വിസയില്‍ ഓസ്‌ട്രേലിയയില്‍ ജോലി ചെയ്യുന്ന പ്രഭ എല്ലാ ദിവസം ജോലിക്കുശേഷം നാട്ടിലുള്ള ഭര്‍ത്താവുമായി സംസാരിക്കുക പതിവാണ്. ജോലി കഴിഞ്ഞ് പരമാറ്റ പാര്‍ക്കിനടുത്തുള്ള എളുപ്പവഴിയിലൂടെയാണ് അവര്‍ വീട്ടിലേക്ക് മടങ്ങിയിരുന്നത്. സംഭവ ദിവസം ഭര്‍ത്താവുമായി സംസാരിച്ചു നടന്നുകൊണ്ടിരിക്കെയാണ് അജ്ഞാതന്‍ പ്രഭയെ കുത്തിയത്. തനിക്ക് കുത്തേറ്റെന്ന് പ്രഭ ഭര്‍ത്താവിനോട് പറയുകയും ചെയ്തു. ബോധരഹിതയായ അവരെ പിന്നീട് ആശുപത്രിയില്‍ എത്തിച്ചെങ്കിലും രക്തം വാര്‍ന്നുപോയതിനാല്‍ മരണം സംഭവിക്കുകയായിരുന്നു. ഭര്‍ത്താവ് അരുണ്‍ കുമാര്‍