സാധാരക്കാരുടെ മക്കളുടെ മാനത്തിനും സെലിബ്രറ്റിയുടെ മാനത്തിനും രണ്ട് തുലാസ്സുകൾ ആണ്.!!!!

സാധാരക്കാരുടെ മക്കളുടെ മാനത്തിനും സെലിബ്രറ്റിയുടെ മാനത്തിനും രണ്ട് തുലാസ്സുകൾ ആണ്.!!!!

----------------------------------------------
പ്രമുഖ നടിയെ നടുറോട്ടിൽ
മാനഭംഗപ്പെടുത്താൻ ശ്രമിച്ച സംഭവം ചർച്ചചെയ്യുകയ്യുകയാണു സകല ചാനലുകളും നല്ലകാര്യം
സ്ത്രീത്വത്തെ അപമാനിച്ച ഈ സംഭവത്തെ ശക്തമായി അപലപിക്കുന്നതോടൊപ്പം.ആ കുട്ടിയുടെ നീതിക്ക് വേണ്ടിയുള്ള പോരാട്ടത്തിന് ശക്തമായി പിന്തുണ ആദ്യമേഅറിയിക്കട്ടെ
നമ്മുടെയെല്ലാം കണ്ണിലുണ്ണിയായ ആ കലാകാരിക്ക് എത്രയും വേഗം നീതികിട്ടുവാനും
സ്ത്രീ ജനങ്ങളുടെ ആശങ്കക്ക് ആറുതി വരുത്തുവാനും ഉള്ള സത്വരനടപടികൾ ഉടൻ ഉണ്ടാകുമെന്ന് പ്രതീക്ഷിക്കാം

വെള്ളിയാഴ്ച രാതി ഏകദേശം 10 മണിക്ക് നടിയെ തട്ടികൊണ്ട് പോകുന്നു. 1 മണിക്കൂറിന് ശേഷം നടിയെ വഴിയിൽ ഉപേക്ഷിക്കുന്നു. നടി നേരെ ലാൽ എന്ന സംവിധായകന്റെ വീട്ടിലേക്ക്.നടി വിലക്കിയിട്ടും ലാൽ പോലീസിനെ അറിയിക്കുന്നു. സാധാരണക്കാരനിടയിൽ പീഠന കൊലപാതകങ്ങൾ കഴിഞ്ഞാൽ പോലും മണിക്കൂറുകൾ അല്ലങ്കിൽ ദിവസങ്ങൾക്ക് ശേഷം വരുന്ന പോലീസ് ഈ സംഭവം അറിഞ്ഞപ്പോൾ രാത്രി 12.30 മണിക്ക് തന്നെ അതും ഡെപ്യൂട്ടി കമ്മീഷണർ യതീഷ് ചന്ദ്ര, അസി: പോലീസ് കമ്മീഷണർ എം ബിനോയ് നടിയുടെ അടുത്തെത്തി തെളിവെടുക്കുന്നു.പ്രഭാതമായപ്പോൾ മാധ്യമങ്ങൾ സോഷ്യൽ മീഡിയകൾ മത്സരിച്ച് വാർത്തയാക്കുന്നു. ഉച്ചക്ക് 12 മണിക്ക് മുമ്പെ പ്രതികൾ അറസ്റ്റിൽ ! അഭിനന്ദിക്കാതെ വയ്യ!!!

പക്ഷേ ഒരു സംശയം.ഈ ഒരു സെലബ്രിറ്റി ക്ക് കിട്ടുന്ന അതെ സംരക്ഷണം സാധാരണ ഒരു സ്ത്രീക്ക് അല്ലങ്കിൽ ഒരു പുരുഷന് കിട്ടുന്നുണ്ടോ.?

ഇതേ നാട്ടിൽ ആയിരുന്നില്ലേ സൗമ്യ, ജിഷ വടക്കാഞ്ചേരി എന്നീ പെൺകുട്ടികൾ????
ദിനം പ്രതി പീഠനത്തിനിരയാകുന്ന നിരവധി കുഞ്ഞുങ്ങൾ...?
കഴിഞ്ഞ ദിവസവും തിരുവനന്തപുരത്ത് ഒരു 7 വയസ്സുള്ള ഒരു കുട്ടി മൃഗീയമായി പീഢിക്കപെട്ടു , പെൺകുട്ടിയെ പീഡിപ്പിച്ച ശേഷം രക്തസ്രാവം തടയാൻ പഞ്ഞിക്കഷ്ണം ജനനേന്ദ്രിയത്തിൽ തിരുകി കയറ്റുകയാണ് പൂജാരി മണികണ്ഠൻ ചെയ്തത് ... സാമൂഹിക പ്രവർത്തകയായ അശ്വതി ജ്വാലയുടെ സമയോചിതമായ ഇടപെടൽ ഒന്നുകൊണ്ടാണ് പ്രതിയെ കസ്ററയിൽ എടുത്തത്

ഇതേ നാട്ടിലല്ലേ നടുറോട്ടിൽ ഒരു ഉറുമ്പിനെപോലും നോവിക്കാത്തൊരു പച്ചമനുഷ്യന്റെ - കൊടിഞ്ഞിയിൽ ഫൈസലിന്റെ ഉടൽകഷ്ണങ്ങൾ ചോരയിൽ മുങ്ങിക്കിടന്നപ്പോ എന്തേ ഇവരെല്ലാം മൗനികളായി???
ഇപ്പോൾ പൗരസുരക്ഷയെകുറിച്ചും, ജീവിതാവകാശത്തെകുറിച്ചും മീഡിയകളിലൂടെ അലറിപ്പൊളിക്കുന്നവർ അപ്പോള്‍ കുഞ്ഞമ്മേടെ കല്ല്യാണത്തിന് പോയതായിരുന്നോ ?!

സാധാരക്കാരുടെ മക്കളുടെ മാനത്തിനും സെലിബ്രറ്റിയുടെ മാനത്തിനും രണ്ടും രണ്ടു തുലാസ്സുകൾ ആണെന്നാണോ നിയമപാലകർ സമൂഹത്തിനു കാണിച്ചു കൊടുക്കുന്നത്.

ഏതൊരു മാനദണ്ഡം വെച്ചാണ് പോലീസും മാധ്യമങ്ങളും ഒരു വിഷയത്തെ "പ്രധാനം" , "അപ്രധാനം" എന്ന് കണക്കാക്കുന്നത് ? ഈ നടിക്ക് പോലീസിൽ നിന്നും കിട്ടിയ ഈ സംരക്ഷണം പ്രശംസിക്കുന്നതോടൊപ്പം പോലീസിന്റെ ഈ ഇരട്ടത്താപ്പ് അവസാനിപ്പിച്ച് മറ്റുള്ള സാധാരണക്കാരനും ഇത് പോലെ സംരക്ഷണം കിട്ടിയിരുന്നെങ്കിൽ കേരളത്തിലെ പ്രശ്നങ്ങൾക്ക് എന്നെ കുറവുണ്ടാകുമായിരുന്നു

ഇതിലും വലിയപീഡനം അനുഭവിച്ചു ഇഞ്ചിഞ്ചായി മരണത്തെ നേരിടേണ്ടിവന്ന മണ്മറഞ്ഞുപോയതും ജീവിച്ചിരിക്കുന്നതുമായ നമ്മുടെ സഹോദരിമാർ ഇന്നും വെളിച്ചത്തേക്ക് വരാൻ മടിച്ചു നിൽക്കുന്നവർ ഉണ്ട്.അവർക്ക് വേണ്ടിയാണീ വാക്കുകള്‍.
സ്വന്തം മക്കളുടെ മാനവും ജീവനും തെരുവ് പട്ടികൾ് പിച്ചിച്ചീന്തി കുഴിമാടങ്ങളിലേക്കു താഴ്ത്തുന്നത് നിസ്സഹായാവസ്ഥയോടെ നോക്കിനിക്കേണ്ടി വന്ന മാതാപിതാക്കളെ
മാപ്പ് മാപ്പ് മാപ്പ്.
''''''''''''''''''''''''''''''''''''''''''''''''''''''' നിഫ്രു'''''''''''''''''''''''''''''''''''''''''''
( ഇത് എന്റെ മാത്രം കാഴ്ചപ്പാട് അല്ല
എന്നെ പോൽ ചിന്തിക്കുന്നവരുടെ പ്രതികരണങ്ങൾ കൂടിയാണ്)

പിറക്കാത്ത അച്ചന്‍ - കഥ

പിറക്കാത്ത അച്ചന്‍ 

അല്ലേലും നിങ്ങള്‍ക്ക് എന്ത് വിഷമം
ഇന്നുവരെ ഒരു തുള്ളി കണ്ണീര്‍ നിങ്ങളുടെ മുഖത്ത്
ഞാന്‍ കണ്ടിട്ടില്ല !

അവളുടെ ഉള്ളിലെ സങ്കടതിരമാലകള്‍
അലര്‍ച്ചയോടെ നെഞ്ചില്‍ പതിച്ചു,
അതിന്‍റെ ശക്തിയില്‍ വേദനകൊണ്ട് ഹൃദയംപുളഞ്ഞു
ഒന്നുറക്കെ കരയാന്‍ കൊതിയുണ്ടെങ്കിലും
എന്‍റെ കണ്ണ് കലങ്ങുന്നത് കണ്ടാല്‍ അവള്‍ക്കത്
താങ്ങാന്‍ കഴിയില്ലല്ലോ എന്നോര്‍ത്ത്
ഇടറാന്‍ തുടങ്ങിയ മിഴികളെ മച്ചിന് മുകളിലേക്ക് പായിച്ചു.

'ദേ ഇങ്ങോട്ട് നോക്ക്യെ '

മുഖം അവളിലേക്ക്‌ തിരിച്ച്
മുഖ പേശികള്‍ വലിച്ച് മുറുക്കി ഒന്ന് ചിരിക്കാന്‍ ശ്രമിച്ച ശേഷം
വീണ്ടും ദിശയെ മച്ചിന് മുകളില്‍ തറച്ചു

'ന്ത് പറഞ്ഞാലും വളിച്ച ചിരികാണിച്ചാ മതി, വെറുതെ മൂളിപ്പാട്ടും പാടി നടന്നോളൂ ഒന്നും അറിയേണ്ടല്ലോ ?

'എന്തെങ്കിലും പറയ്‌'

എന്നും പറയാറുള്ളപോലെ " ഒക്കെ ശര്യാകും" എന്ന് പറയാന്‍ എന്തുകൊണ്ടോ എനിക്ക് തോന്നിയില്ല.

പാവം അവളുടെ വിഷമങ്ങള്‍ മറ്റാരോട്പറയാനാണ്
എന്നും ചുവരിലെ ചിത്രത്തില്‍ നോക്കി നെടുവീര്‍പ്പിടുകയല്ലാതെ
എന്നോട് ഒന്നുംപറയാറില്ല
ഇന്ന് ഏതെങ്കിലും അയല്‍ക്കാരി 'വിശേഷങ്ങള്‍' ചോദിച്ച്
അവളുടെ ഉണങ്ങാത്ത മുറിവില്‍ കയ്യിട്ട് മാന്തിയിരിക്കും.
ചിലര്‍ അങ്ങിനെയാണ് ദയനീയമായി അവരുടെ അനുകമ്പ
രേഖപ്പെടുത്തി ഞങ്ങളുടെ നിസ്സഹായതയെ പരിഹസിച്ച്
ആര്‍മാദിക്കും. ആത്മാര്‍ഥമായി ചോദിക്കുന്നവരും ഉണ്ടാകാം, പക്ഷെ എല്ലാ ചോദ്യങ്ങളും ഇപ്പോള്‍ ഞങ്ങളില്‍ ചെലുത്തുന്ന
നീറ്റലിന് ഒരേ വേദനയാണ്.

അവര്‍ക്കറിയില്ലായിരിക്കാം കുഞ്ഞുങ്ങള്‍ ദൈവത്തിന്‍റെ വരദാനമാണെന്ന്
കുഞ്ഞുങ്ങളില്ലാത്ത ദമ്പതികള്‍ അവന്‍റെ കളിപ്പാട്ടങ്ങളും !!!
* * * *
നിസാരകാര്യങ്ങള്‍ക്ക് പോലും നിലവിളിക്കുന്ന
ചേച്ചിയാണ് വിഷന്നുകരഞ്ഞ എനിക്ക്
ഈ വേദം ഓതി തന്നത്.
പുരുഷന്മാര്‍ കരയരുത് !
വിശപ്പിനെ ശമിപ്പിക്കാന്‍ കണ്ണീരിനാവില്ല എന്ന സത്യം
മീശമുളക്കാത്ത പയ്യന്‍റെ കണ്ണീരിനു തടയണയിട്ടു.
അങ്ങിനെയാണ് ദുഖത്തിന്‍റെ ചെറു തീപ്പൊരി ചിതറുമ്പോഴേക്കും
നാവില്‍ സംഗീതം മഴയായ് പെയ്യിച്ചുഅതിനെ അണക്കാന്‍ പഠിച്ചത്.

പിന്നെ ഒരിക്കലും കരഞ്ഞിരുന്നില്ല എന്ന് പറഞ്ഞാല്‍ അത് കള്ളമാകും
പ്രിയരുടെവേര്‍പാടില്‍, പ്രതിസന്ധികളുടെ ക്രൂര മുഖങ്ങളില്‍,
വേദനകളുടെ, വിരഹത്തിന്‍റെ വേളകളില്‍
ഉരുകി ഒലിക്കുന്ന നെഞ്ചുമായി ചിലപ്പോഴെങ്കിലും
ഏകാന്തതകളിലേക്ക് ഓടിഒളിച്ചിട്ടുണ്ട്.
ശബ്ദമില്ലാതെ കരയുന്നവന്‍റെ ശബ്ദം കേട്ട്
ചുവരുകള്‍ ഒരുപക്ഷെ കരഞ്ഞിരിക്കാം
അവക്ക് ശബ്ദമില്ലെങ്കിലും ഹൃദയം ഉണ്ടല്ലോ ?
അതുകൊണ്ടല്ലേ അവ പഴിപറഞ്ഞ് വീണ്ടും
വീണ്ടും കുത്തിനോവിക്കാത്തത് !

ഒന്ന് പൊട്ടികരയണംഎന്നുണ്ട്, പക്ഷേ
ഇന്നോളം അടക്കിവെച്ച തേങ്ങലുകള്‍
തടയണ പൊട്ടി ഒരിക്കലെങ്ങാന്‍ ഒഴുകിയാല്‍
ഉപ്പുരസമുള്ള ആ മലവെള്ള പാച്ചിലില്‍ പെട്ട്‌ - അവളുടെ
കുഞ്ഞു കുഞ്ഞ് ആഗ്രഹങ്ങളും മോഹങ്ങളും ഒലിച്ചുപോകും.
അത് പാടില്ല ,അവളുടെ ആഗ്രഹങ്ങളാണ് എന്‍റെ ജീവിതം
അതില്ലാതായാല്‍ , പിന്നെ ഞാന്‍ എന്തിന് ?

'ഞാന്‍ പറഞ്ഞത് വിഷമം ആയോ' ?

കൈകള്‍ എന്‍റെ മുഖത്തോട് ചേര്‍ത്ത് വെച്ച്
കണ്ണുകളിലേക്ക് നോക്കി അവള്‍ ചോദിച്ചു
അപ്പോഴാണ്‌ ആ മുഖം ഞാന്‍ കണ്ടത്
കരഞ്ഞു കലങ്ങി വാടി തളര്‍ന്ന എന്‍റെ പ്രിയതമ.
അവളുടെ ചുണ്ടുകള്‍ വിറക്കുന്നുണ്ട്
ചുമരില്‍ തൂക്കിയിട്ട ചിത്രത്തിലെ നക്ഷത്ര കണ്ണുള്ള കുട്ടിയുടെ
കുഞ്ഞിക്കാലുകള്‍ നോക്കി നെടുവീര്‍പ്പിട്ടു കൊണ്ട് അവള്‍ പറഞ്ഞു
'എന്‍റെ വിഷമം കൊണ്ട് പറഞ്ഞ് പോയതാ,'

ഊം .... ഇന്ന് ആരായിരുന്നു വന്നത് ?'
'ആരും വന്നില്ല .. പുലര്‍ച്ചെ ഒരു സ്വപ്നം കണ്ടു '
'കഷ്ട്ടം! ഒരു സ്വപ്നം കണ്ടതിനാണോ നീ ഇങ്ങിനെ സങ്കടപ്പെടുന്നത് ?
മുഖം കോട്ടി ഞാന്‍ തിരിഞ്ഞു കിടന്നു
പിന്നില്‍ ചുണ്ടുകള്‍ ചെവിയോടു ചേര്‍ത്തു അവള്‍ പറഞ്ഞു
'സ്വപ്നത്തിലാണെങ്കിലും വന്നത് നമ്മുടെ കുഞ്ഞുവാവയായിരുന്നു !'
ഞാന്‍ ചാടി എഴുന്നേറ്റു ' വാ.. വാക്കുകള്‍ പൂര്‍ത്തി യാക്കാനാകാതെ മുറിഞ്ഞു പോയി
'ഏട്ടനെ പോലെയാ നീണ്ട നെറ്റിയും പതിഞ്ഞ മൂക്കുമുള്ള കുഞ്ഞ് വാവ '
സ്വപ്നമാണെന്ന് അറിഞ്ഞിട്ടും ഭാര്യയുടെ പ്രസവത്തിന് ലേബര്‍ റൂമിനു മുമ്പില്‍ അക്ഷമനായി നില്‍ക്കുന്ന ഭര്‍ത്താവിന് ആദ്യമായി ഭാര്യ പ്രസവിച്ചു എന്ന് കേള്‍ക്കുമ്പോഴുള്ള സന്തോഷം ആണ് അപ്പോള്‍ ഞാന്‍ അനുഭവിച്ചത്

എന്നാല്‍ ആ സന്തോഷത്തിന് നിമിഷങ്ങളുടെ ആയുസ്സേ തന്നുള്ളൂ, എനിക്കെന്റെ തങ്കകുടത്തെ കണാനായില്ലല്ലോ എന്ന നഷ്ടബോധം എന്നില്‍ സങ്കടം ഉണര്‍ത്തി

'ഉണര്‍ന്നപ്പോള്‍ കുഞ്ഞിനെ കാണാതെ ഞാന്‍ ഏറെ വിഷമിച്ചു . അമ്മയോടും ചേച്ചിയോടും അയലത്തുള്ളവരോടും ചോദിച്ചു. ദൈവമേ നീയിത് കാണുന്നില്ലേ എന്ന് പറഞ്ഞു അമ്മ ആര്‍ത്തു നിലവിളിച്ചപ്പോഴാണ് എന്‍റെ വാവ സ്വപ്നം മാത്രമാണെന്ന് ഞാന്‍ ഓര്‍ത്തത് '

എന്റീശ്വരാ....!!!
അവളിലെ മാതൃത്വത്തിന്‍റെ ആഴം അളക്കാന്‍
കാത്തിരിപ്പിന്‍റെ വേദനയുടെ തീവ്രത അളക്കാന്‍
ഇനിയും പിറക്കാത്ത അച്ഛന്‍ എത്രമാത്രം അശക്തന്‍ ആണെന്ന്
അറിഞ്ഞ നിമിഷം, ഒരു നിലവിളിയോടെ ഞാന്‍ അവളെ ചേര്‍ത്തുപിടിച്ചു
അതുവരെ പിടിച്ചുനിന്ന ശക്തിയെല്ലാം ചോര്‍ന്നുപോയിരുന്നു.
എന്നെ അനുസരിച്ച് ഒളിച്ചിരുന്ന കണ്ണീര്‍തടാകം
എന്‍റെ അനുവാദം കാത്തുനില്‍ക്കാതെ അവളുടെ മുടിയിഴകളെ ഈറനണിയിച്ചു ഒഴുകികൊണ്ടിരുന്നു

'ഏട്ടന്‍ കരയാ ? എന്‍റെട്ടന്‍ കര്യരുത് ' ഇടറിയ എന്‍റെ മുഖം
അവളുടെ നനഞ്ഞു കുതിര്‍ന്ന മുഖത്തില്‍ നിന്ന് വലിചെടുത്ത് അവള്‍ തേങ്ങലോടെ യാചിച്ചു .
'ഇന്‍റെട്ടന്‍ കരഞ്ഞാ നിക്കത് സഹിക്കൂല '
'ഇല്ല ,ഇല്ല മോളെ ഏട്ടന്‍ കരഞ്ഞിട്ടില്ല്യാ'

അവളുടെ നെറ്റിയിലുംമുടിയിലും പതിയെ തലോടി എത്രനേരം അങ്ങിനെ കിടന്നു എന്നറിയില്ല
പുതപ്പ് കൊണ്ട് അവളുടെ കരഞ്ഞു കുതിര്‍ന്ന മുഖം തുടക്കുമ്പോള്‍
കൊച്ചു കുട്ടികളോടെന്ന പോലെ അവള്‍ എന്നെ ഉപദേശിച്ചു

'അതേ, ആണുങ്ങള്‍ കരയാന്‍ പാടില്ലാട്ടോ'

'അതിനു ഞാന്‍ കരഞ്ഞില്ലല്ലോ നീയല്ലേ നിലവിളിച്ചത് '

'പുലര്‍ച്ചെയുള്ളസ്വപ്നംഫലിക്കൂന്നാ'

'ഊം...'

'ഒക്കെ ശര്യാകും , ഏട്ടനൊന്നു ചിരിച്ചേ'

ഞാന്‍പണിപെട്ട് പുഞ്ചിരിക്കാന്‍ ശ്രമിച്ചു...അവളും

ഞങ്ങളുടെ വിളറിയ ചിരികണ്ടാകണം ചുവരിലെ കുട്ടി
പല്ലില്ലാത്ത മോണ കാട്ടി ഞങ്ങളെ കളിയാക്കി ചിരിച്ചു.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

പിറക്കാത്ത അച്ഛനമ്മമാര്‍ക്ക് വേണ്ടി
ഇനിയും പിറക്കാതെ മടിച്ചിരിക്കുന്ന കുസൃതികള്‍ക്കു മുമ്പില്‍ സമര്‍പ്പിക്കുന്നു ...

നിഫ്രാജ്മാങ്കാവ് - 10 - 15 -2015

Digtal Painting Credit: Digital painting of Mother and baby by laziee2ann on DeviantArt
Design: Nifraj